മുട്ടത്തോട്,പച്ചക്കറികളുടെ തൊലി, ഉരുളക്കിഴങ്ങ് , ഉള്ളി എന്നിവയുടെ തൊലി, പഴത്തൊലി, പയറിന്റെ അവശിഷ്ടങ്ങള്‍, ചായ ചണ്ടി എന്നിവ ഉപയോഗിച്ചു ചെടികളുടെ വളര്‍ച്ച ത്വരിതപ്പെടുത്തി മികച്ച വിളവു ലഭിക്കാന്‍ സഹായിക്കുന്ന വളര്‍ച്ചാ ഹോര്‍മോണ്‍ തയാറാക്കാം
By Harithakeralam
ധാരാളം ജൈവമാലിന്യങ്ങളാണ് നാം അടുക്കളയില്‍ നിന്നൊരു ദിവസം പുറം തള്ളുന്നത്. നഗരങ്ങളിലും മറ്റും താമസിക്കുന്നവര്‍ക്ക് ഇവയുടെ നിര്‍മാജനം വലിയൊരു തലവേദനയാണ്. മുട്ടത്തോട്,പച്ചക്കറികളുടെ തൊലി, ഉരുളക്കിഴങ്ങ് , ഉള്ളി എന്നിവയുടെ തൊലി, പഴത്തൊലി, പയറിന്റെ അവശിഷ്ടങ്ങള്‍, ചായ ചണ്ടി എന്നിവ ഉപയോഗിച്ചു ചെടികളുടെ വളര്‍ച്ച ത്വരിതപ്പെടുത്തി മികച്ച വിളവു ലഭിക്കാന്‍ സഹായിക്കുന്ന വളര്‍ച്ചാ ഹോര്‍മോണ്‍ തയാറാക്കാം. നൈട്രജന്‍, ഫോസ്ഫറസ്, പൊട്ടാഷ് തുടങ്ങി ചെടികള്‍ക്ക് വേണ്ട ഒട്ടുമിക്ക മൂലകങ്ങളും ഇതിലടങ്ങിയിട്ടുണ്ട്. പച്ചക്കറികള്‍ നിറയെ കായ്ക്കാനും പൂക്കാനും ഇതു സഹായിക്കും.
അടുക്കളയില്‍ നിന്നു ലഭിക്കുന്ന ജൈവമാലിന്യങ്ങള്‍ വെയിലത്തിട്ട് ഉണക്കുകയാണ് ആദ്യം ചെയ്യേണ്ടത്. നാലഞ്ചു ദിവസം ഉണക്കുന്നതോടെ ഇവയെല്ലാം പൊടിക്കാന്‍ പാകമാകും. തുടര്‍ന്നൊരു മിക്‌സിയിലിട്ട് നന്നായി പൊടിച്ചെടുക്കുക. മുട്ടത്തോട്, ചായച്ചണ്ടി, പച്ചക്കറികളുടെ തൊലി, ഉരുളക്കിഴങ്ങ് , ഉള്ളി എന്നിവയുടെ തൊലി, പഴത്തൊലി, പയറിന്റെ അവശിഷ്ടങ്ങള്‍ തുടങ്ങിയവയെല്ലാം ഇതിനായി എടുക്കാം.
.png)
മിശ്രിതം തയ്യാറാക്കാന്‍ ആദ്യമൊരു ബക്കറ്റ് എടുക്കണം. ഈ ബക്കറ്റില്‍ കാല്‍ ഭാഗം പച്ചച്ചാണകമെടുത്ത് ഇതിലേയ്ക്ക് പൊടിച്ച ജൈവമാലിന്യങ്ങള്‍ അല്‍പ്പം വെള്ളവും ചേര്‍ത്തു നന്നായി ഇളക്കി അടച്ചുവെക്കണം. രണ്ടു ദിവസം ഈ മിശ്രിതം ഇളക്കി അടച്ചു വെക്കാം. മൂന്നാം ദിവസം ബക്കറ്റുതുറന്ന് നോക്കിയാല്‍ നല്ല കുഴമ്പു രൂപത്തിലായിട്ടുണ്ടാവും. പച്ചച്ചാണകം ലഭിക്കാന്‍ ബുദ്ധിമുട്ടുണ്ടെങ്കില്‍ തണലത്തിട്ട് ഉണക്കിയ ചാണകവും ഉപയോഗിക്കാം.
കുഴമ്പു രൂപത്തിലുള്ള മിശ്രിതത്തിലേയ്ക്ക് വെള്ളമൊഴിച്ചു നേര്‍പ്പിച്ചതിന്റെ തെളി ആവശ്യാനുസരണം ഉപയോഗിക്കാം. ഒരു കപ്പ് മിശ്രിതത്തിലേയ്ക്ക് നാല് അഞ്ച് കപ്പ് വെള്ളമെന്ന കണക്കിന് ഉപയോഗിക്കാം. നേര്‍പ്പിച്ചതിനു ശേഷം വേണം ചെടികളുടെ തടത്തില്‍ ഒഴിച്ചു കൊടുക്കാന്‍. ആഴ്ച്ചയില്‍ ഒരിക്കലെങ്കിലും ഈ വളപ്രയോഗം നടത്തിയാല്‍ ചെടികള്‍ കരുത്തോടെ വളര്‍ന്നു വന്നു നല്ല ഫലം തരും. കൂടുതല്‍ പൂക്കള്‍ വിരിയുകയും പൂ പൊഴിച്ചില്‍ തടഞ്ഞു കായ്പ്പിടുത്തം വര്‍ധിക്കാന്‍ ഈ ഉത്തേജകം ഏറെ ഗുണകരമാണ്. റോസ് നന്നായി പൂക്കാന്‍ പണ്ടുമുതലേ ചായച്ചണ്ടിയും മുട്ടത്തോടും വീട്ടമ്മമാര്‍ ഉപയോഗിക്കാറുണ്ട്. പൂന്തോട്ടത്തിലെ ചെടികള്‍ നന്നായി പൂക്കാന്‍ ഈ ലായനി നല്ലതാണ്.
.jpg){kind=tracking}
ധാരാളം ജൈവമാലിന്യങ്ങളാണ് നാം അടുക്കളയില്‍ നിന്നൊരു ദിവസം പുറം തള്ളുന്നത്. നഗരങ്ങളിലും മറ്റും താമസിക്കുന്നവര്‍ക്ക് ഇവയുടെ നിര്‍മാജനം വലിയൊരു തലവേദനയാണ്. മുട്ടത്തോട്,പച്ചക്കറികളുടെ തൊലി, ഉരുളക്കിഴങ്ങ് ,…
By Harithakeralam
തക്കാളി കൃഷിയുടെ കാര്യത്തില്‍ നമ്മള്‍ കേരളീയര്‍ വളരെ പുറകിലാണ്. നമ്മുടെ കാലാവസ്ഥയും മണ്ണിലെ കൂടിയ അസിഡിറ്റിയുമാണ് പ്രധാന കാരണം. ഗ്രോബാഗില്‍ കുറച്ച് തക്കാളിച്ചെടികള്‍ വളര്‍ത്തുകയാണെങ്കില്‍ വീട്ടാവശ്യത്തിനുള്ളവ…
By Harithakeralam
വേനലില്‍ കൃഷിത്തോട്ടം വാടാതിരിക്കാന്‍ നല്ല ശ്രദ്ധ കൊടുക്കണം. കറിവേപ്പ് നന്നായി വളരാനും പച്ചമുളകിലെ കായ് പൊഴിച്ചില്‍ ഒഴിവാക്കാനും തുടങ്ങി കര്‍ഷകര്‍ക്ക് സഹായകമാകുന്ന ചില നാട്ടറിവുകള്‍.
By Harithakeralam
വേനല്‍ മഴ നല്ല പോലെ ലഭിച്ചതോടെ പച്ചക്കറി ചെടികളെല്ലാം നല്ല പോലെ വളര്‍ന്നു ധാരാളം ഇലകളെല്ലാമുണ്ടായി നില്‍ക്കുകയായിരിക്കും. ഇലകളാണ് എല്ലാ ചെടികളുടെയും പ്രധാന ഭാഗം. നിരവധി കീടങ്ങളും രോഗങ്ങളും ഇലകളെ…
By Harithakeralam
കരിയില ധാരാളം ലഭിക്കുന്ന സമയമാണിപ്പോള്‍. കരിയില കത്തിക്കാതെ ചെടികളുടെ തടത്തിലിട്ടു കൊടുക്കാം. മണ്ണിന്റെ ഊഷ്മാവ് ക്രമീകരിക്കാനിതു സഹായിക്കും. കത്തുന്ന വേനലിലും തണുപ്പും ചൂടും മണ്ണിനും വിളകള്‍ക്കും ഇതിലൂടെ…
By Harithakeralam
വെയിലും മഴയും മഞ്ഞുമൊന്നും പ്രശ്‌നമാക്കാതെ നല്ല വിളവ് തരുന്ന പച്ചക്കറിയാണ് വെണ്ട. പൊള്ളുന്ന വെയിലത്തും കോരിച്ചൊരിയുന്ന മഴക്കാലത്തും വെണ്ട ഒരു പോലെ വിളവ് തരും. ഉത്സവ സീസണുകളില്‍ വെണ്ടയ്ക്ക് നല്ല വിലയും…
By Harithakeralam
മുട്ടത്തോടും ചായച്ചണ്ടിയും ആവശ്യം കഴിഞ്ഞാല്‍ പഴാക്കി കളയാറാണ് പതിവ്. എന്നാലിവ കൊണ്ട് ചെടികള്‍ക്ക് നല്ലൊരു വളര്‍ച്ചാ ഹോര്‍മോണ്‍ തയാറാക്കാം. പൂന്തോട്ടത്തിലെയും പച്ചക്കറി ചെടികളും നന്നായി പൂക്കാന്‍ ഇതു വളരെ…
By Harithakeralam
വേനല്‍ക്കാലത്ത് ടെറസില്‍ പച്ചക്കറി നല്ല വിളവ് തരും. നല്ല വെയിലത്ത് പരിചരണം നന്നായി നല്‍കിയാല്‍ മികച്ച വിളവ് ടെറസ് കൃഷിയില്‍ നിന്നും സ്വന്തമാക്കാം. സ്വാഭാവികമായ മണ്ണിലല്ലാതെ ഗ്രോബാഗിലും ചട്ടിയിലുമെല്ലാം…
By Harithakeralam
© All rights reserved | Powered by Otwo Designs
Leave a comment